لأني ذكرتك عرفت اني صعب انساك
عرفت اني لا نسيتك رجعت وذكرتك
صدق المسافة علمتني اقبل جفاك
بس الغريب انت وشلون ماعرفتك
جهلت فيك العذر من ساعة خطاك
وجهلت فيك البوح وبصمتك عذرتك
في لحظة لقاء أول ادورك وألقاك
في بالي قبل أجيك بشوقي رسمتك
واليوم أنا شفتك على البعد مقواك
صابر وأنا أدري بالجفا ماجبرتك
مديت لك ايدي ماهو القصد فرقاك
من لهفتي جت في يديك وسبقتك
خفت تتجاهل دمعتي وتنسى غلاااك
وتنسى اني في يوم بقلبي حفظتك
حملت لك في خافقي أجمل مزاياك
صفوة مشاعر لو صغتها ماكتبتك
حملت لك ماضي وصورة لذكراك
أحلى عمر عشته من يوم شفتك
هذاالوفاء لاتقتله بظروف دنياك
لاتخون الود وأنا اللي بالوفاء صنتك
لا تجامل زمانك وتخسر من عمره فداك
كله بيدينك ماقد عنه سألتك!!!
لو ابيع الكون بس اشري.. رضاك
رميت الخواطر وراي ..... وحضنتك
كل الأماني في غيابك.. تحراك
تبكي رجوعك وتحترق لا ((فقدتك))
كل اللي فيني وش بقى ماتمناك
تطلب وأنا اللي بدنيتي ماخذلتك
عهدي عطية روح لو غبت تضماك
ماترتوي ياكود بشوفي شربتك
لجلك شربت المر من عذب يمناك
ولجلك نسيت الهم وفي عيوني رفعتك
كل ماقلت هانت باعد الله خطاك
لولا القدر كاني على البعد لمتك
خليت لك جفنن لو غبت غطاك
لو ينتثرحزنك بكفي .......جمعتك
هذا الهدب لو تجرحه ماظن ينساك
لو تجرحه بالدمع ماظني ...جرحتك
أنت السماء لأرضي وأناأرضي لسماك
من وين مايبتدي دربي بعيني لمحتك
أمشي على ظلك وأتنفس هواااااك
مثل البدر في ((طلتك)) لا وصفتك
ألمس أثر سحرك وأسمع لنجواك
وأعيش لك للأ بد (( وعد ))ووعدتك
لأني ذكرتك عرفت اني صعب أنساك
عرفت اني لا نسيتك رجعت وذكرتك
موضوع: صعب انساكـ 
الخميس يناير 14, 2010 2:16 am
